Abo Salah ♪♫.. إداره المنتدى..♫♪
عدد المساهمات : 87 تاريخ الميلاد : 08/11/1994 تاريخ التسجيل : 01/06/2010 العمر : 29 الموقع : migamix.alafdal.net
| موضوع: حوار مع فرخه مزكومه .......! الإثنين يوليو 05, 2010 1:09 pm | |
| بعد عودة مرض أنفلونزا الطيور في مصر مره اخرى......
أطلقت الحكومة يد الشرطة في مهاجمة عشش الفراخ على سطوح المنازل
وتم إعدام آلاف من الفراخ في الأيام القليلةالماضية........
وبالصدفه روحت اشوف واحد صحبى دكتور بيطرى
وشوفت شكل الفراخ اللى بتستنى اداء حكم الاعدام فيها
ودار الحوار دا بينى وبين فرخه منهم
في البداية لاحظت حالة الذهول على الفرخة ..... حتى أن منقارها كان بيتحرك في عصبية بالغة
وكانت في قمة ثورتها وغضبها .....
بصراحة صعبت عليا......... حتى أنها هي التي بدأت معي الحوار دون أن أسألها....
يرضيك يا معلم اللي بيحصل ده .....؟؟؟؟
فقلت لها ....معلش بس دي حالة طوارئ والعالم كله في رعب بسبب الأنفلونزا اللي عندكم
ودي مصلحة بلد بحاله وما ينفعش الدنيا تخرب علشان مرض أصابكم .............
انتفضت الفرخة وأشارت بجناحيها بعصبية
وقالت ...... أحنا برضه السبب .... والله لو دورت كويس في الموضوع ده هاتلاقي أن البني آدمين هوما اللي مصدرين لنا أنفلونزا الطيور دي ...
من أمتى واحنا بنؤذي حد ما حنا طول عمرنا عايشين معاكم ومستحملين بلاويكم وقرفكم ....
مرة تخنقونا بالسحابة السودة ومرة تشربونا مية معفنة من اللي بتشربوها ف بيوتكم
أنا بصراحة اتغظت وكنت ها خنقها وقلت لها ...... ليه أنت عاوزة مية معدنية إن شاء الله
قالت هو الموضوع وقف عند المية بس ....... ما نتم بتوكلونا عيش بايت من المعجن اللى كله طوب وظلط اللي بتاكلوه
واللي زاد وغطى ...... إنكم بتدونا برشام منع الحمل ......
يا معلم إحنا بقينا بنبيض بالعافية ..... والهرمونات هدت حيلنا .........
بص يا معلم ع الديك من دول تلاقيه..... منظر..... صدر منفوخ ..... ووراك مكلبظ وعرف زي العلم ........ وساعة الجد تلاقيه قلب كتكوت .... ويدوخ على بتوع الفياجرا و ......
فين أيام زمان يا معلم لما كانت الفرخة البلدي والديك البلدي حالتهم تشرح القلب
البني آدمين يا معلم هوما اللي عملوا لنا نيولوك بالأدوية والعلف المهبب الجديد
وفي الآخر عاملين علينا حرب ونازلين فينا تدبيح ..... وعاملين علينا حرب ولا الحرب العالمية التالتة....
فقلت لها ...ومين السبب في الحرب دي يا فالحة.....؟؟؟؟؟؟
قالت على الفور...... طبعا أمريكا هوه فيه غيرها......
هي عملت كده مخصوص عشان ما حدش يعرف يكاكي معاها
قلت لها ......يا سلام.......
قالت .....طبعا البني آدمين ما حدش بقى بيكح معاها.... لقت ما فيش غيرنا أحنا اللي طالع لنا صوت في العالم
قالت تصدر لنا المرض ده علشان تخرسناااااا
واحنا لعلمك .....عارفين بالتحديد مين صاحب المخطط ده من الأمريكان سألتها........ميييييين.......؟؟؟؟؟؟؟
قالت هو فيه غيره........ { ديك....} ديك تشيني طبعا....منه لله...
هو السبب في تصدير أنفلونزا الطيور للعالم الغلابة....
تقدر تقول لى اشمعنى المرض ده ما ظهرش ف أمريكا لحد دلوقتي.....
ما ظهرش غير ف الدول الغلبانة اللي بتعتبرهم أمريكا أقل منها
بصراحة الدمعة فرت من عيني.....وأقنعني كلامها.........
وحينما جاء الدور على الفرخة لتنفيذ حكم الإعدام فيها وجم عساكر الداخلية عشان ياخدوها
سألتها....... نفسك ف حاجه قبل ما يعدموكي....... قالت....... نفسي أزور أمي في كنتاكي قبل ما موت....... | |
|
tito ma ♥ نائب المدير العام ♥
عدد المساهمات : 106 تاريخ الميلاد : 01/02/1996 تاريخ التسجيل : 06/07/2010 العمر : 28 الموقع : http://www.migamix.alafdal.net
| موضوع: رد: حوار مع فرخه مزكومه .......! الجمعة يوليو 09, 2010 3:58 am | |
| بصراحة مشكوررررررررررررررررر جدا على الموضوع الروعة هههههههههههههههههه | |
|